Вазирлик фаолияти бЎйича телефон рақами (+99871)2394077

Умумий ўрта таълим олувчиларнинг якуний давлат аттестацияси тўғрисидаги низомга ўзгартиришлар киритиш ҳақида

2015.03.20 | Халқ таълими вазирлиги меъёрий ҳужжатлари

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРИНИНГ

буйруғи

Умумий ўрта таълим олувчиларнинг якуний давлат аттестацияси тўғрисидаги низомга ўзгартиришлар киритиш ҳақида

(Ўзбекистон Республикаси қонун ҳужжатлари тўплами, 2015 й., 3-сон, 36-модда)

[Ўзбекистон Республикаси Адлия вазирлиги томонидан 2015 йил 21 январда рўйхатдан ўтказилди, рўйхат рақами 1778-1]

Ўзбекистон Республикаси Вазирлар Маҳкамасининг 2011 йил 1 мартдаги 52-сонли «Халқ таълими ҳудудий органлари тузилмасини такомиллаштириш тўғрисида»ги қарорига мувофиқ буюраман:

1. Ўзбекистон Республикаси халқ таълими вазирининг 2008 йил 4 мартдаги 56-сонли буйруғи (рўйхат рақами 1778, 2008 йил 20 март) (Ўзбекистон Республикаси қонун ҳужжатлари тўплами, 2008 й., 12-13-сон, 78-модда) билан тасдиқланган Умумий ўрта таълим олувчиларнинг якуний давлат аттестацияси тўғрисидаги низомга иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

 

Вазир У. ИНОЯТОВ

Тошкент ш.,

2015 йил 5 январь,

2-мҳ-сон

 

Ўзбекистон Республикаси халқ таълими вазирининг 2015 йил 5 январдаги 2-мҳ-сонли буйруғига
ИЛОВА

 

Умумий ўрта таълим олувчиларнинг якуний давлат аттестацияси тўғрисидаги низомга киритилаётган ўзгартиришлар

1. 2-банд ўз кучини йўқотган деб топилсин.

2. 7-бандда:

биринчи хатбошидаги «иншо» деган сўз «баён ёки иншо» деган сўзлар билан алмаштирилсин;

иккинчи хатбоши қуйидаги таҳрирда баён этилсин:

«Айрим фанлар чуқур ўрганиладиган давлат ихтисослаштирилган умумтаълим муассасаларида педагогик кенгашнинг қарори билан тегишли фандан қўшимча якуний аттестация киритилиши мумкин. Имтиҳон билетлари, тест топшириқлари мактаб методик бирлашмалари томонидан тайёрланади ва мактаб директори томонидан тасдиқланади.».

3. 10-бандда:

тўртинчи ва бешинчи хатбошилар қуйидаги таҳрирда баён этилсин:

«тегишли фан ёки унга яқин бўлган фан ўқитувчисидан битта ассистент.

Тегишли фан бўйича якуний аттестацияни ташкил этиш ва уни ўтказиш бўйича жавобгарлик мазкур фан бўйича тузилган якуний аттестация комиссияси раиси зиммасига юклатилади.»;

еттинчи хатбошидаги «фуқароларни» деган сўз «фуқароларнинг» деган сўз билан алмаштирилсин.

4. 11-банд қуйидаги таҳрирда баён этилсин:

«11. Ўзбекистон Республикаси Халқ таълими вазирлиги, Қорақалпоғистон Республикаси Халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармаси ҳамда халқ таълими муассасалари фаолиятини методик таъминлаш ва ташкил этиш туман (шаҳар) бўлимлари мазкур Низом талабларининг бажарилишини назорат қилади. Ушбу жараёнда Ўзбекистон Республикаси Вазирлар Маҳкамаси ҳузуридаги Давлат тест маркази вакиллари иштирок этишлари мумкин.».

5. 16-банддаги «Ўқувчиларга» деган сўз «Битирувчиларга» деган сўз билан алмаштирилсин.

6. 17-банддаги «ўтказиладиган», «Иншо ёки баён» ва «ўқувчига» деган сўзлар тегишлича «ёзиладиган», «Баён ёки иншо» ва «битирувчига» деган сўзлар билан алмаштирилсин.

7. 18-банднинг биринчи хатбошисидаги «иншо» ва «ўз иншоларига» деган сўзлар тегишлича «баён ёки иншо» ва «ёзаётган баён ёки иншоларига» деган сўзлар билан алмаштирилсин.

8. 21-банднинг иккинчи хатбошисидаги «иншолари, баёнлари,» деган сўзлар «баёнлари, иншолари ва» деган сўзлар билан алмаштирилсин.

9. 25-банднинг биринчи хатбошиси қуйидаги таҳрирда баён этилсин:

«25. Битирувчиларга она тилидан баён ёзиш учун 3 астрономик соат (иншо ёзиш учун 4 астрономик соат), математикадан ёзма иш учун 3 астрономик соат, тест-синов топшириқлари берилиши кўзда тутилган бўлса, уларни бажаришга ижтимоий-гуманитар фанлар бўйича ҳар бир тест саволи учун 2 дақиқа, аниқ фанлар бўйича ҳар бир тест саволи учун 3 дақиқа вақт ажратилади.».

10. 26-бандда:

биринчи хатбошидаги «битирувчи ўқувчининг» деган сўз «битирувчининг» деган сўз билан алмаштирилсин;

иккинчи хатбоши қуйидаги таҳрирда баён этилсин:

«Билет саволига жавоб бера олмаган битирувчига якуний аттестация комиссияси томонидан иккинчи маротаба билет олишга рухсат берилади. Битирувчи олган иккинчи билетга ҳам жавоб бера олмаса, унга якуний аттестациянинг баҳоси сифатида «қониқарсиз» баҳо қўйилади ва учинчи маротаба билет олишга рухсат берилмайди.».

11. 32-банддаги «туман (шаҳар) халқ таълими бўлимларида» ва «туман (шаҳар) халқ таълими бўлими» деган сўзлар тегишлича «халқ таълими муассасалари фаолиятини методик таъминлаш ва ташкил этиш туман (шаҳар) бўлимларида» ва «халқ таълими муассасалари фаолиятини методик таъминлаш ва ташкил этиш туман (шаҳар) бўлими» деган сўзлар билан алмаштирилсин.

12. 33 ва 37-бандлардаги «туман (шаҳар) халқ таълими бўлимлари» деган сўзлар «халқ таълими муассасалари фаолиятини методик таъминлаш ва ташкил этиш туман (шаҳар) бўлимлари» деган сўзлар билан алмаштирилсин.

13. 34-банд қуйидаги таҳрирда баён этилсин:

«34. Чет элда таълим олган (ота-онаси хорижда ишлаган даврда ёхуд турли танловлар ёки чет мамлакатларнинг грантлари ҳисобидан хорижда таълим олган) битирувчиларни якуний аттестацияга қўйиш масаласи Қорақалпоғистон Республикаси Халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармаси томонидан кўриб чиқилади.

Битирувчи ўқиган мамлакатида умумий ўрта ва ўрта таълим ҳужжатларини олган бўлса, улар Қорақалпоғистон Республикаси Халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармаларида ташкил этиладиган комиссиялар хулосасига асосан Ўзбекистон Республикаси Вазирлар Маҳкамаси ҳузуридаги Давлат тест марказининг Кадрлар тайёрлаш сифатини назорат қилиш, педагог кадрлар ва таълим муассасалари аттестацияси бошқармаси томонидан қонун ҳужжатларида белгиланган тартибда нострификация қилинади.

Битирувчига чет мамлакатларда берилган умумий ўрта таълим ҳужжати Ўзбекистон Республикасида бериладиган шаҳодатнома ўрнини боса олмаса, яъни битирувчи маълум бир фанлар йўналишидагина таълим олиб келган бўлса, у умумий тартибда якуний аттестацияга киритилади. Бундай ҳолларда битирувчи ўзига берилган ҳужжатда кўрсатилган фанлардан бошқа барча фанлар бўйича якуний аттестациядан ўтказилади.

Битирувчига якуний баҳони қўйишда унинг аввалги синфларда олган баҳолари ҳам инобатга олинади.».

14. 36-банд қуйидаги таҳрирда баён этилсин:

«36. Йиллик баҳо ва якуний аттестация натижаларига кўра, умумий ўрта таълим давлат таълим стандартлари талабларини бажармай, «қониқарсиз» баҳо олган битирувчилар шу синфда қайта ўқишга қолдирилади.».

15. 38-бандда:

биринчи хатбошидаги «туман (шаҳар) халқ таълими бўлимлари» деган сўзлар «халқ таълими муассасалари фаолиятини методик таъминлаш ва ташкил этиш туман (шаҳар) бўлимлари» деган сўзлар билан алмаштирилсин;

тўртинчи хатбоши чиқариб ташлансин.

16. Мазкур ўзгартиришлар Ўзбекистон Республикаси Вазирлар Маҳкамаси ҳузуридаги Давлат тест маркази билан келишилган.

 

Вазирлар Маҳкамаси ҳузуридаги Давлат тест маркази директори Ж. ИСМОИЛОВ

 

2015 йил 5 январь

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 26

Хато кўрсангиз белгиланг ва Ctrl+Enter ни босинг.